Transcription
1
Monsieur, il y a quelque temps qui furent prinses et arrestées par ceulx
2
de la religion quelques balles de leynes à ung nommé Michel Sauvin
3
habitant de ceste ville, lesquelles il fesoit conduire en Piedmont et
4
parce qu'il a traicté avec iceulx de la religion pour le recouvrement
5
desdites leynes et qu'il luy seroit besoing avoir passeport pour les
6
faire passer par les terres du roy pour les porter audit Piedmont, je
7
vous ay bien voulu faire cestecy pour vous prier comme je fais
8
bien affectionnement luy vouloir donner ledit passeport afin qu'il
9
puisse faire conduire plus librement et en toute seurté lesdites leynes
10
et oultre que vous obligerez ledit Sauvin, vous me ferez à moy ung
11
singulier plaisir pour la recommandation qui m'en a esté faicte de
12
plusieurs endroicts, que sur ceste fiance ne vous feray la presente plus
13
longue que des mes affectionnées recommandations à votre bonne grace
14
en priant Dieu de vous donner,
15
monsieur en bonne santé longue vie. D'Avignon le XXVIe de febvrier
16
1574.
17
Votre plus affectionné à vous honorer servir
18
et aymer come frère G. CARDL. D'ARMAIGNAC.